പാതി മുറിഞ്ഞൊരു സുന്ദര സ്വപ്നത്തിന്‍
ആലസ്യമിപ്പോഴും വിട്ടോഴിഞ്ഞില്ലതിന്‍
പൊട്ടിയ കഷണങ്ങള്‍ ചേര്‍ത്തു വെച്ചിന്നൊരു
പുതിയ സ്വപ്നത്തിന്‍ പണിപ്പുരയിലാണ് ഞാന്‍
പൂനിലാവിന്‍ കരതലത്തില്‍ തല ചായ്ച്ചു
ഉറങ്ങാന്‍ കിടന്നൊരു തൈമുല്ല മൊട്ടു പോല്‍
നിന്‍ പ്രണയനിലാവില്‍ മുഖം ചേര്‍ത്ത്
പുതിയൊരു പുലരിയിലേക്ക് തിരിക്കവെ
എത്തി ഞാന്‍ ഇതുവരെ കാണാത്ത നിന്‍
ഹൃദയ കൊട്ടാര മുറ്റത്തെ പൂവാടിയില്‍
ചാമരം വീശുന്നു വെണ്‍ മേഘജാലങ്ങള്‍
സുഗന്ധം പരത്തുന്നു പനിനീര്‍ പൂവുകള്‍
ഒഴുകിയെത്തും ഇളം കാറ്റിനിരുന്നാടാന്‍
ഊഞ്ഞാല് തീര്‍ക്കുന്നു വര്‍ണ മഴവില്ല്
മിന്നി തിളങ്ങുന്ന മഞ്ഞുത്തുള്ളികള്‍
മണിമാല ചാര്‍ത്തുന്ന പുല്‍തലപ്പുകള്‍
പ്രകൃതി തന്‍ കൈ തട്ടി ചിതറി തെറിച്ച
നിറങ്ങള്‍ മിഴിവേകുന്ന ചിത്രശലഭങ്ങള്‍
കണ്ണിലും കരളിലും പുതിയൊരു നിര്‍വൃതി
ചേര്‍ത്ത് വെച്ചിന്നവയ്ക്കൊപ്പം പറന്നു ഞാന്‍
നിന്നു നിന്‍ ഹൃദയ കവാടത്തിന്‍ മുന്നില്‍
ഒരു മാത്ര എന്‍ ഹൃദയം എന്തിനെന്നറിയാതെ
കൈനീട്ടി ആ വാതില്‍ തുറക്കുന്നതിന്‍ മുന്‍പേ
കാത്തിരിപ്പിന്‍ മഞ്ഞുരുകുന്നതിന്‍ മുന്‍പേ
എത്തി ഞാന്‍ പുതിയൊരു പുലരിതന്‍ തീരത്ത്
അവിടെ നീയില്ല പൂവില്ല പൂമ്പാറ്റകളില്ല
പൊന്‍ പ്രഭാതതിന്‍ തൂവേളിച്ചതിലാ
മാസ്മര കാഴ്ചകളെല്ലാം മറഞ്ഞു പോയി
ഞാന്‍ ആ മണിവാതില്‍ തള്ളി തുറന്നുവോ
നീ തുറന്നെന്നെ അകത്തേക്ക് ക്ഷണിച്ചുവോ
മാറോട്‌ ചേര്‍ത്തെന്നെ പുല്‍കി നീ എന്‍ കാതില്‍
കാത്തിരിക്കയായിരുന്നെന്നു മന്ത്രിച്ചുവോ
പാതിവഴിയില്‍ മുറിഞ്ഞൊരു സ്വപ്നത്തിന്‍
കൊഴിഞ്ഞ നിമിഷങ്ങള്‍ താലോലിക്കുവാന്‍
സങ്കല്‍പ്പദളങ്ങള്‍ ചേര്‍ത്തുവച്ചിന്നൊരു
പുതിയ സ്വപ്നത്തിന്‍ പണിപ്പുരയിലാണ് ഞാന്‍
ആലസ്യമിപ്പോഴും വിട്ടോഴിഞ്ഞില്ലതിന്‍
പൊട്ടിയ കഷണങ്ങള്‍ ചേര്‍ത്തു വെച്ചിന്നൊരു
പുതിയ സ്വപ്നത്തിന്‍ പണിപ്പുരയിലാണ് ഞാന്‍
പൂനിലാവിന്‍ കരതലത്തില്‍ തല ചായ്ച്ചു
ഉറങ്ങാന്‍ കിടന്നൊരു തൈമുല്ല മൊട്ടു പോല്‍
നിന്‍ പ്രണയനിലാവില്‍ മുഖം ചേര്‍ത്ത്
പുതിയൊരു പുലരിയിലേക്ക് തിരിക്കവെ
എത്തി ഞാന്‍ ഇതുവരെ കാണാത്ത നിന്‍
ഹൃദയ കൊട്ടാര മുറ്റത്തെ പൂവാടിയില്‍
ചാമരം വീശുന്നു വെണ്‍ മേഘജാലങ്ങള്‍
സുഗന്ധം പരത്തുന്നു പനിനീര്‍ പൂവുകള്‍
ഒഴുകിയെത്തും ഇളം കാറ്റിനിരുന്നാടാന്‍
ഊഞ്ഞാല് തീര്‍ക്കുന്നു വര്‍ണ മഴവില്ല്
മിന്നി തിളങ്ങുന്ന മഞ്ഞുത്തുള്ളികള്‍
മണിമാല ചാര്‍ത്തുന്ന പുല്‍തലപ്പുകള്‍
പ്രകൃതി തന്‍ കൈ തട്ടി ചിതറി തെറിച്ച
നിറങ്ങള്‍ മിഴിവേകുന്ന ചിത്രശലഭങ്ങള്‍
കണ്ണിലും കരളിലും പുതിയൊരു നിര്‍വൃതി
ചേര്‍ത്ത് വെച്ചിന്നവയ്ക്കൊപ്പം പറന്നു ഞാന്‍
നിന്നു നിന്‍ ഹൃദയ കവാടത്തിന്‍ മുന്നില്‍
ഒരു മാത്ര എന്‍ ഹൃദയം എന്തിനെന്നറിയാതെ
കൈനീട്ടി ആ വാതില്‍ തുറക്കുന്നതിന്‍ മുന്‍പേ
കാത്തിരിപ്പിന്‍ മഞ്ഞുരുകുന്നതിന്‍ മുന്‍പേ
എത്തി ഞാന്‍ പുതിയൊരു പുലരിതന്‍ തീരത്ത്
അവിടെ നീയില്ല പൂവില്ല പൂമ്പാറ്റകളില്ല
പൊന്‍ പ്രഭാതതിന്‍ തൂവേളിച്ചതിലാ
മാസ്മര കാഴ്ചകളെല്ലാം മറഞ്ഞു പോയി
ഞാന്‍ ആ മണിവാതില്‍ തള്ളി തുറന്നുവോ
നീ തുറന്നെന്നെ അകത്തേക്ക് ക്ഷണിച്ചുവോ
മാറോട്‌ ചേര്‍ത്തെന്നെ പുല്‍കി നീ എന്‍ കാതില്‍
കാത്തിരിക്കയായിരുന്നെന്നു മന്ത്രിച്ചുവോ
പാതിവഴിയില്‍ മുറിഞ്ഞൊരു സ്വപ്നത്തിന്‍
കൊഴിഞ്ഞ നിമിഷങ്ങള്‍ താലോലിക്കുവാന്‍
സങ്കല്‍പ്പദളങ്ങള്‍ ചേര്‍ത്തുവച്ചിന്നൊരു
പുതിയ സ്വപ്നത്തിന്‍ പണിപ്പുരയിലാണ് ഞാന്‍
No comments:
Post a Comment